BUU Qaýipsizdik Keńesiniń músheleri shuǵyl otyrysta Aýǵanstandaǵy jaǵdaıdy talqylady

NЬıÝ IORK. QazAqparat - «Haos. Tártipsizdik. Belgisizdik. Jáne qorqynysh». Bas hatshy Antonıý Gýterrısh Aýǵanstandaǵy jaǵdaıdy BUU Qaýipsizdik Keńesiniń músheleri aldynda sóılegen sózinde osylaı sıpattady. Nıý -Iork ýaqytymen dúısenbi kúni tańerteń Qaýipsizdik Keńesi Aýǵanstandaǵy oqıǵaǵa baılanysty shuǵyl otyrysqa jınaldy. Bul týraly QazAqparat BUU jańalyqtar ortalyǵyna silteme jasap habarlaıdy.

Aqparat quraldarynyń habarlaýynsha, jeksenbide tálipter Kabýldy basyp aldy. Aýǵanstan prezıdenti Ashraf Ǵanı men basqa da resmı adamdar elden ketti. Myńdaǵan adamdar úıleri men múlikterin tastap, Aýǵanstannan ketip jatyr. Olar «Talıban» basyp alǵan jerlerinde ornatqan zorlyq -zombylyq pen qatań tártipten qashýǵa árekettenýde. «Bul jerde kóp nárse bar. Progress. Úmit. Tutas bir urpaq - aýǵandyq jas áıelder men qyzdardyń, erler men uldardyń armany», - dedi BUU basshysy óz sózinde.

«Osy qıyn sátte men barlyq taraptardy, ásirese, «Talıbandy» barynsha ustamdy bolýǵa shaqyramyn».

Bas hatshy beıbit turǵyndardy qorǵaý, sondaı -aq gýmanıtarlyq uıymdarǵa kómekke muqtaj Aýǵanstan halqyna kedergisiz qol jetkizýdi qamtamasyz etý qajettigine basa toqtaldy. Bul jaǵdaıda halyqaralyq qaýymdastyq birigip, Aýǵanstandaǵy adam quqyqtarynyń, ásirese áıelder men qyzdardyń qorǵalýyn qamtamasyz etý úshin jáne eldiń terrorıstik uıymdardyń alańy men qorǵany retinde paıdalanylýyna jol bermeý úshin qoldan kelgenniń bárin jasaýy kerek.

«Men Qaýipsizdik Keńesin, jalpy halyqaralyq qaýymdastyqty Aýǵanstandaǵy jahandyq terrorıstik qaýip -qaterdi basý jáne adam quqyqtarynyń saqtalýyn qamtamasyz etý úshin barlyq quraldardy qoldanýǵa shaqyramyn»», - dedi Gýterrısh.

Onyń aıtýynsha, qazirgi ýaqytta «Talıban» baqylaýyndaǵy aýmaqtarda júrgen BUU qyzmetkerlerine qurmetpen qaraıdy. «Biz tálipterdi osy oraıda dıplomatııalyq ókilderdiń isine qol suqpaýǵa shaqyramyz», - dedi Gýterrısh. Ol BUU aýǵandyqtarǵa qajetti kómek kórsetýdi jalǵastyratyndyǵyn aıtty.