BUU Qaýipsizdik Keńesindegi QR tóraǵalyǵy Qazaqstan, Reseı jáne Qytaıdyń úılesimin arttyrady - ıAo Peıshen
QHR SІM janyndaǵy Azııa jáne Afrıkany damytý keńesiniń múshesi, Qytaı halyqaralyq zertteýler qorynyń qyzmetkeri ıAo Peıshen QazAqparat tilshisine bergen suhbatynda osyndaı pikir aıtty.
Qytaıdyń Qyrǵyzstandaǵy, Latvııadaǵy, Qazaqstandaǵy jáne Ýkraınadaǵy elshisi bolǵan saıasattanýshy BUU Qaýipsizdik Keńesindegi tóraǵalyǵynan keıin Qazaqstannyń óńirlik jáne jahandyq qaýipsizdikti qamtamasyz etýdegi róli arta túsetinine senimdi bolyp otyr. «Memleketińiz daýlardy jáne kúrdeli halyqaralyq máselelerdi sheshýde úlken tájirıbe jınaqtaǵan. Qazaqstan túrli óńirlerdegi ahýalǵa ábden qanyq, menińshe, QR tóraǵalyǵy asa tabysty ári sátti bolady, QHR, RF jáne basqa da álemdik derjavalardyń ózekti halyqaralyq máselelerdi sheshýdegi úılesimdiligin arttyrady», - deıdi ol.
Sarapshy Qazaqstan dıplomatııasynyń negizgi tustaryn atap kórsetti. «Eń áýeli, ınnovatsııalarǵa umtylyp jatqanyn aıtý kerek. Qazaqstan Azııada ózara yqpaldastyq jáne senim sharalary keńesin shaqyryp, Álemdik jáne dástúrli din basshylary sezin uıymdastyrdy, EAEO qurýdy usyndy, sondaı-aq ózge de mańyzdy bastamalardyń iske asýyna muryndyq boldy. Ekinshiden, turaqty túrde belsendilik pen bastamashylyq tanytyp keledi. Prezıdent N. Nazarbaev qaıda barsa da, syrtqy álemdegi áriptesterimen yntymaqtastyq jasaýdyń birde-bir múmkindigin jiberip almaıdy. Úshinshiden, joǵary baǵaǵa laıyqty ınklıýzıvtilik. Qazaqstannyń dosy kóp. Reseımen de, Qytaımen de, shektes basqa eldermen de óte tyǵyz da berik tatý kórshilik qarym-qatynastaryn ornatqan. Memleket Eýroodaq jáne AQSh-pen iskerlik baılanystaryn sátti júrgizip keledi», - dedi ol.
ıAo Peıshen Qazaqstan Prezıdentiniń qıyn-qystaý kezderde utymdy sheshim qabyldaýdyń has sheberi ekendigin aıta kele, Qazaqstan men Qytaıdyń halyqaralyq arenada ózara tıimdi yntymaqtastyq jasap kele jatqanyn tilge tıek etti.
Sarapshy Qazaqstannyń ıadrolyq qarýdy taratpaý isine qosqan súbeli úlesine de toqtaldy. «Táýelsizdik alǵannan keıin elińiz óz yqtııarymen qýaty jaǵynan álemde 4-orynda turatyn ıadrolyq arsenalynan bas tartyp, ózin ıadrosyz memleket dep jarııalady», - dedi qytaılyq dıplomat.
Eske sala ketsek, 2018 jyldyń qańtarynda BUU Qaýipsizdik Keńesine Qazaqstan tóraǵalyq etýde. 18 qańtarda Qazaqstan Respýblıkasynyń Prezıdenti Nursultan Nazarbaevtyń tóraǵalyǵymen BUU QK músheleriniń joǵary deńgeıdegi «Jappaı qyryp-joıatyn qarýdy taratpaý: senim sharalary» taqyryptyq pikirsaıysy ótedi.
19 qańtarda «Qaýipsizdik pen damýdyń ózara táýeldilik úlgisi retinde Aýǵanstan men Ortalyq Azııadaǵy óńirlik áriptestikti qurý» taqyrybynda BUU QK mınıstrler pikirsaıysy bolady. Oǵan Ortalyq Azııa elderi jáne Aýǵanstannyń syrtqy ister mınıstrleri, sondaı-aq BUU Qaýipsizdik Keńesine múshe memleketterdiń syrtqy saıası vedomstvolarynyń basshylary qatysady dep josparlanyp otyr.