BUU Qaýipsizdik Keńesinde Qazaqstannyń bastamasy boıynsha jańa dástúr engizildi

NЬıÝ-IORK. QazAqparat - Birikken Ulttar Uıymynyń shtab-páterinde Qazaqstannyń BUU janyndaǵy Turaqty ókildigi 2019-2020 jyldarǵa BUU Qaýipsizdik Keńesine saılanǵan elderdiń ulttyq týlaryn ornatý resmı rásimin ótkizdi. Bul týraly QazAqparat SІM baspasóz qyzmetine silteme jasap habarlaıdy.

Óz mıssııasyn aıaqtaǵan Bolıvııa, Qazaqstan, Nıderlandy, Shvetsııa jáne Efıopııanyń ornyna BUU Qaýipsizdik Keńesiniń jańa turaqty emes músheleri retinde Belgııa, Germanııa, Domınıkan Respýblıkasy, Indonezııa jáne Ońtústik Afrıka keldi.

BUU Qaýipsizdik Keńesine jańa turaqty emes múshelerdiń qosylýynyń saltanatty rásimi BUU tarıhynda tuńǵysh ret Qazaqstannyń bastamasymen 2018 jyldyń qańtarynda onyń BUU Qaýipsizdik Keńesinde tóraǵalyǵy kezinde ótkizildi. BUU-ǵa múshe memleketter osy jańa engizilimdi Qazaqstannyń «jarqyn jeke kartochkasy» dep atady.

Buǵan deıin BUU Qaýipsizdik Keńesi turaqty emes músheleriniń týlaryn aýystyrýy tehnıkalyq rásimi boldy. Jańa dástúrdi engizýimen bul rásim BUU-ǵa múshe memleketterdiń jáne álemniń jetekshi buqaralyq aqparat quraldarynyń Birikken Ulttar Uıymy janynda akkredıttelgen ókilderiniń keńinen qatysýymen resmı is-sharaǵa aınaldy.

«Bul saltanatty is-sharanyń maqsaty BUU Qaýipsizdik Keńesiniń jańa múshelerin taný men qurmetteýdi kórsetý bolyp tabylady. Keńestiń barlyq 15 múshesi bul rásim BUU Qaýipsizdik Keńesiniń jyl saıynǵy dástúrine aınalatyndyǵyn biraýyzdan rastady», - dep QR BUU janyndaǵy Turaqty ókili Qaırat Omarov atap ótti.

Іs-sharanyń mańyzdylyǵyn jáne oǵan joǵary nazar aýdarylǵanyn eskere otyryp, Elshi Qazaqstan bolashaqta osyndaı dástúrdi jalǵastyrýǵa nıetin sendirdi. Ol BUU Qaýipsizdik Keńesiniń jańa turaqty emes múshelerine beıbitshilik pen qaýipsizdikti qamtamasyz etýge jaýapty BUU negizgi organynda jumys barysynda sáttilik tilep, BUU Qaýipsizdik Keńesiniń quramynda bolýy árbir memleket úshin biregeı múmkindik jáne sırek qadir ekenin basa aıtty.

BUU Qaýipsizdik Keńesi men onyń músheleriniń jumysyn asa qurmetteýdiń belgisi retinde Qazaqstannyń Turaqty ókildigi BUU Qaýipsizdik Keńesi músheleriniń týlary úshin Qazaqstanda jasalǵan jáne ulttyq oıýlarmen bezendirilgen arnaıy tulǵyrlar syılady.

Іs-sharaǵa Domınıkan Respýblıkasynyń Syrtqy ister mınıstri Mıgel Vargas, Belgııa, Germanııa, Indonezııa, Ońtústik Afrıkanyń, BUU Qaýipsizdik Keńesinde mıssııany aıaqtaǵan elderdiń jáne basqa memleketterdiń turaqty ókilderi, sondaı-aq BUU Hatshylyǵy men BAQ ókilderi qatysty.

Qazaqstan BUU Qaýipsizdik Keńesinde eki jyldyq jumysyn 2018 jylǵy 31 jeltoqsanynda aıaqtady.