BUU Qaýipsizdik keńesi Ýkraınadaǵy jaǵdaıdy talqylamaq

NUR-SULTAN. QazAqparat – AQSh búgin Ýkraınadaǵy shıelenisti jaǵdaıdy talqylaý úshin BUU Qaýipsizdik keńesiniń otyrysyn ótkizedi dep kútilýde, dep habarlaıdy QazAqparat Euronews agenttigine silteme jasap.

AQSh-tyń BUU-daǵy turaqty ókili Lında Tomas-Grınfıld Reseı áskeriniń Ýkraına mańyna shoǵyrlanýyna qatysty naqty jaýap alǵysy keletinin aıtty.

Batys elderi Ýkraınaǵa qoldan kelgenshe kómektesip baǵýda.

Reseıdiń Syrtqy ister mınıstrligi Amerıka Qurama Shtattary men NATO-ny áskerı jáne saıası maqsatta Ýkraınany Reseıdiń shekara aýmaqtarynda shıelenis týdyrýda paıdalandy dep aıyptaıdy.

«Biz álemniń kez kelgen eli sııaqty AQSh-pen jaqsy, tipti ózara syılastyq, teń qarym-qatynasty qalaımyz. Bul týraly Reseı Prezıdenti Vladımır Pýtın AQSh Prezıdenti Djo Baıdenge aıtty. Tipti, 2021 jylǵy maýsymda Jenevada ótken kezdesýinde de dál osyndaı málimdeme jasady», – dedi Reseı Federatsııasynyń Syrtqy ister mınıstri Sergeı Lavrov.

Reseı AQSh pen NATO-dan áskerı alıansty shyǵysqa qaraı keńeıtpeý kepildigin talap etti. Biraq olar talapty oryndaǵan joq.