BUU Qaýipsizdik Keńesi Ońtústik Sýdandaǵy jappaı kisi ólimine baılanysty qaharǵa mindi
00:45, 20 Sáýir 2014
ASTANA. QazAqparat - BUU Qaýipsizdik Keńesi Ońtústik Sýdanda bitimgerler bazasyna shabýylǵa baılanysty qaharly málimdeme jasady. Aıta keteıik, osy shabýyl saldarynan kem degende 58 adam ajal qushqan.
Qaýipsizdik Keńesi Ońtústik Sýdan úkimetine beıbit turǵyndar men BUU bitimgerlerine shabýyl jasaý áskerı qylmys retinde baǵalanýy múmkin ekenin eskertti.
Bor qalasyndaǵy BUU bazasy etnıkalyq turǵydaǵy zorlyq-zombylyq tolqyny saldarynan óz úılerin tastap ketken beıbit turǵyndardyń bas saýǵalaıtyn jeri retinde qyzmet etýde.
Beısenbide 300-ge jýyq qarýly adamdar baza aýmaǵyna basyp kirip, oq jaýdyra bastaǵan. Qaza bolǵandar arasynda balalar da bar. Óz kezeginde BUU bitimgerleri shabýyl jasaǵandarǵa jaýap retinde oq atyp, qarýly adamdardy toqtatqan.