BUU Qaýipsizdik Keńesi mádenı mura nysandarynyń joıylýy máselesin talqylady
Bul týraly QR SІM baspasóz qyzmeti habarlady.
Óz baıandamasynda qazaqstandyq delegatsııa mádenı mura nysandaryn qorǵaýǵa qatysty Qaýipsizdik Keńesiniń 2347 qararyn júzege asyrý týraly BUU Bas hatshysynyń sońǵy esebin quptady. Bul mańyzdy qujat Uıymǵa múshe memleketterge osy máseleni jan-jaqty zertteýge jáne onyń baıyptylyǵy men aýqymyn baǵalaýǵa múmkindik berdi.
BUU-ǵa múshe barlyq memleketter mádenı murany saqtaý men qaıta damytýdyń mańyzdylyǵyn seziný úshin, Qazaqstan Qaýipsizdik Keńesi músheleriniń nazaryn jahandyq áreketterdi júzege asyrýdyń qajettiligine aýdardy. Sonymen qatar, bizdiń memlekettiń ıÝNESKO-nyń tıisti áreket Josparyn júzege asyrýdy qoldaıtyny kórsetildi. Osyǵan baılanysty «Mádenıetti saqtaý jáne mádenı plıýralızmdi madaqtaý: bekem álemniń kilti» atty Italııanyń úndeýine basa nazar aýdaryldy.
Búgingi tańda mádenı qundylyqtardyń zańsyz aınalymyna qatysty sanktsııa rejimin qatal saqtaý, iskerlik qaýymdastyqtarmen, antıkvarıat bazarlarymen jáne jeke satýshylarmen ózara árekettesý jáne de artefakttar men mura obektileri jaıly sáıkes qujatnamany berý ózekti bolyp otyr. Sonymen qatar, Qazaqstan jaǵy oń nátıjeler tek, birinshi kezekte, sáıkes aqparatpen almasý arqyly, BUU-na múshe memleketterdiń kóbisi tyǵyz yntymaqtastyqty bastaǵan jaǵdaıda ǵana múmkin bolatynyn atap ótti.
Atap aıtqanda, Qaýipsizdik Keńesiniń otyrysyna qatysýshylar, halyqaralyq qoǵamdastyqqa mádenı murany qorǵaý mańyzdy másele bolyp tabylatynyn taǵy da bir ret rastady. Soǵan baılanysty BUU-ǵa múshe barlyq memleketter bar quqyqtyq quraldardy barynsha tıimdi qoldanýy kerek. Sonymen birge, qarýly qaqtyǵystar jaǵdaıynda, sonyń ishinde Irak jáne Sırııa aýmaqtarynda mádenı murany urlaıtyn jáne joıatyn terrorshylardyń qylmystary jazasyz qalmaýy kerektigi erekshe atap ótildi.