BUU Qaýipsizdik keńesi KHDR-dyń zymyran ushyrýyn biraýyzdan aıyptady

ASTANA. QazAqparat - BUU Qaýipsizdik keńesi Soltústik Koreıanyń 29 tamyz kúni tańerteń zymyran ushyrǵanyn biraýyzdan aıyptady, dep habarlaıdy dw.com .

Qaýipsizdik keńesiniń 3 saǵatqa sozylǵan shuǵyl otyrysy kezinde 15 múshe el biraýyzdan KHDR-diń áreketin aıyptaıtyn rezolıýtsııa qabyldady. Phenıan BUU rezolıýtsııasyn ustanyp, óziniń zymyran baǵdarlamasyn toqtatýy kerek, delingen qujatta.

«Qaýipsizdik keńesi atap ótkendeı, Soltústik Koreıanyń áreketi tek óz óńirine ǵana emes, sondaı-aq BUU-nyń barlyń múshe elderine qaýip tóndirýde», - delingen AQSh-tyń usynǵan jobasyndaǵy rezolıýtsııada.

Budan buryn KHDR Japonııanyń aýmaǵynan ushyp, keıin Tynyq muhıtyna qulaǵan zymyrandy ushyrǵanyn rastaǵan edi.

Soltústikkoreıalyq memlekettik TsTAK aqparat agenttigi habarlaǵandaı, 29 tamyz - Japonııanyń  ústinen zymyran ushyrǵan kún kezdeısoq tańdalmaǵan. Osylaısha, Phenıan 1910 jyly Koreıa men Japonııa arasyndaǵy kelisimdi eske salmaqshy bolǵan. Onyń negizinde Japonııa Koreı túbegin otarlaǵan edi.