BUU qaǵıdattaryn qoldaımyz - SІM
«Qazaqstan BUU-men yntymaqtastyqtyń 30 jyly ishinde áleýmettik-ekonomıkalyq damý salasyndaǵy kóptegen tegeýirindi sátti sheshe aldy. BUU komandasymen birge túrli salada 400-den astam joba júzege asyryldy. Qazir bizde bolashaqqa arnalǵan munan da órshil josparlar bar. Bul bolashaqtaǵy yntymaqtastyǵymyzdyń munan arǵy keleshegine óte jarqyn ındıkator qyzmetin atqara alady. Qazaqstan elimiz úshin de, sonymen birge óńir men jalpy álem úshin barynsha qaýipsiz bolashaq qurý jolynda BUU-men belsendi yntymaqtastyqty jalǵastyratyn bolady. Biz BUU jarǵysynda jazylǵan qaǵıdattardy belsendi túrde qoldaımyz», - dedi Qaırat Omarov elordada «Qazaqstandaǵy Birikken Ulttar Uıymyna 30 jyl jáne BUU-nyń 2021-2025 jyldarǵa arnalǵan Turaqty damý yntymaqtastyǵy sheńberiniń Basqarýshy komıteti» taqyrybynda ótken is-shara barysynda.
Mınıstrdiń birinshi orynbasary BUU-nyń turaqty úılestirýshisi men onyń komandasyna elimizdegi júıeli reformalardy sheshýge kórsetken únemi qoldaýy úshin rızashylyq bildirdi.
«Biz BUU-nyń Qazaqstandaǵy 30 jyldyǵyn atap ótýge qýanyshtymyz. BUU-nyń Qazaqstandaǵy jumysy sońǵy otyz jylda úlken joldan ótti jáne biz eldiń damýyn qoldaýda qol jetkizgen jetistikterimizdi maqtan tutamyz. Aldaǵy jyldarda biz basqarý men zań ústemdigin nyǵaıtý, turaqty ekonomıkalyq ósýge járdemdesý, adam áleýetin nyǵaıtý, genderlik teńdik pen áıelderdiń múmkindikterin keńeıtý jáne klımattyń ózgerýi máselelerin sheshýdi qosa alǵanda, birneshe negizgi baǵytqa nazar aýdaramyz. Kúshti biriktirip, Qazaqstan halqynyń jarqyn bolashaǵyn qura alamyz dep senemiz», - dedi BUU-nyń Qazaqstandaǵy Turaqty úılestirýshisi Mıkaela Frıberg-Storı.