BUU: Gaza sektorynyń 187 myńnan astam turǵyny úılerin tastap ketti

<p>BUU-nyń gýmanıtarlyq isterdi úılestirý basqarmasy (OCHA) Izraıl men Gaza sektorynda sońǵy 24 saǵatta bolǵan oqıǵa týraly kezekti jedel jańalyqty jarııalady, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttigi <a href="https://www.bbc.com/russian/live/news-67038676" target="_blank" rel="noopener">VVS </a>jańalyqtaryna silteme jasap.</p>

Palestına áskeri Izraılge zymyran shabýyldaryn jalǵastyrdy, al Izraıl kúshteri dúısenbi kúni HAMAS pozıtsııalaryna qarqyndy shabýyldaryn jalǵastyrdy.

Dúısenbi kúngi keshki málimet boıynsha, HAMAS-tyń Izraılge jasaǵan shabýylynan barlyǵy 900-den astam ızraıldik, sondaı-aq shetel azamattary qaza tapty.

Izraıl densaýlyq saqtaý mınıstrliginiń málimetinshe, kem degende 2616 adam jaraqat alǵan.

Gaza Densaýlyq saqtaý mınıstrliginiń málimetinshe, 687 palestınalyq qaza taýyp, taǵy 3800 adam jaralanǵan.

Taǵy 17 palestınalyq, onyń ishinde tórt bala Batys Sherııada Izraıl armııasynyń qolynan qaza taýyp, 295-i jaralandy.

Gaza sektoryndaǵy jappaı qonys aýdarǵan turǵyndar sońǵy 24 saǵatta 187 518-den astam adamǵa jetti jáne odan ári artady dep kútilýde.

Gazada soǵys qımyldary órshigennen beri tórt mektep pen segiz medıtsınalyq mekeme zaqymdanǵan.