BUU-ǵa usynylatyn Qazaqstannyń 5-baıandamasynyń jobasy tanystyryldy

ASTANA. QazAqparat - QR Memlekettik hatshysy Gúlshara Ábdiqalyqovanyń tóraǵalyǵymen QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń otyrysy ótti, dep habarlaıdy QazAqparat. 

Otyrysta Qyzylorda men Pavlodar oblystarynda Ónimdi jumyspen qamtý jáne jappaı kásipkerlikti damytý baǵdarlamasy aıasynda atqarylǵan jumystardyń esebi tyńdaldy. Máselen, Pavlodar oblysynda bul baǵytta belsendi jumystar júrgizilýde. Jyl basynan 50-den astam suranys bar jumysshy kásibı mamandyqtaryna 329 áıel oqytyldy. Pavlodar oblysy jergilikti ókiletti organdarda áıelderdiń úlesi 30 paıyzǵa jaqyndaǵan 3 óńirdiń biri sanalady. Búgingi kúni áıelderdiń aýdandyq máslıhat depýtattary arasyndaǵy úlesi 29,4, qalalyq máslıhattarda 27,3, oblystyq máslıhatta 21,9 paıyzdy quraıdy.

Al Qyzylorda oblysynda «Rýhanı jańǵyrý» baǵdarlamasy aıasynda 135 shara uıymdastyrylyp, 7 myńnan asa jas qamtyldy. Esepti merzimde eńbek naryǵynda suranysqa ıe mamandyqtar boıynsha jumysshy kadrlardy  qysqa merzimde daıyndaýǵa 2136 jumyssyz jáne ózin-ózi jumyspen qamtyǵandar jiberildi. Onyń 1500-i - áıel. Al «Bastaý-Bıznes» jobasy boıynsha óńirde 320 áıel oqytylyp, 124 áıel shaǵyn nesıe aldy. Onyń 54-i óz kásibin ashty.

Munan bólek, otyrysta 2018 jyldyń aqpanynda BUU salalyq komıtetine usynylatyn Áıelderge qatysty kemsitýshiliktiń barlyq nysandaryn joıý týraly konventsııany oryndaý barysy jaıynda QR-dyń  5-shi baıandamasynyń jobasy tanystyryldy.

Shara sońynda Gúlshara Ábdiqalyqova memlekettik organdarǵa birqatar naqty tapsyrma berdi.