BUU-da Qaýipsizdik Keńesiniń turaqty emes jańa músheleri saılandy
Daýys berý nátıjesi boıynsha Úndistan men Meksıka tıisinshe 184 jáne 187 qajetti daýys jınady.
Batys elderi tobynyń arasynda Norvegııa men Irlandııa sáıkesinshe 130 jáne 128 daýys jınap, jeńiske jetti.
Eń kúrdeli dıplomatııalyq tartys Afrıka elderi arasynda boldy. Munda jeńimpaz daýys berýdiń ekinshi kezeńinde anyqtalady. Óıtkeni kandıdattardyń eshqaısysy, atap aıtqanda Kenııa men Djıbýtı (sáıkesinshe 113 jáne 78 daýys) tıisti daýysty jınaı almady. Eske sala keteıik, Qaýipsizdik keńesiniń turaqty emes músheligine ótý úshin kandıdattar Bas assambleıa delegattarynyń 2/3 daýysyn jınaýy tıis.
Ádette BUU Qaýipsizdik Keńesiniń turaqty emes múshelerin saılaý bir kún ǵana ótkiziledi. Biraq bul joly koronavırýske baılanysty BUU kúnine bir-aq ret daýys berýdi uıǵardy. Osylaısha, BUU Qaýipsizdik Keńesiniń turaqty emes músheleriniń besinshi jańa múshesi erteń anyqtalady.
COVID-19 qaýpine baılanysty BUU Bas Assambleıasy óz tarıhynda eń erekshe daýys berý rásimin ótkizdi. Ár elden kelgen delegattar Bas Assambleıanyń bos turǵan zalyna bir-birden maskamen kirip, sodan keıin daýys berip, birden BUU shtab-páterinen shyǵyp ketti.