BUU burynǵy sarapshysy geoınjenerııanyń jańa tásilderine qaıran qaldy
Mamandar Germanııanyń Bonn qalasynda ótip jatqan BUU-ynyń klımat jónindegi konferentsııasynda óz usynystaryn ortaǵa saldy, dep habarlaıdy BUU jańalyqtar ortalyǵy.
Konferentsııaǵa qatysýshy sarapshylardyń pikirinshe, geoınjenerııa atmosferaǵa zııandy qaldyqtardy tastaý sharalaryna qosymsha bolýy múmkin, biraq onyń ornyn almastyra almaıdy. Ǵalymdar atmosferaǵa yqpal etýdiń túrli amaldaryn qarastyryp jatyr. Olardyń keıbireýi burynnan kele jatyr, ol - kógaldandyrý. Geoınjenerııa - adam áreketiniń birshama jańa tásili. Usynylǵan ádisterdiń keıbireýi, máselen, kún sáýlesi qabilettiligin tómendetý maqsatynda stratosferadaǵy aerozoldy tozańdandyrý tabıǵat úrdisterine belsendi kedergi keltirý bolyp sanalady. Osyǵan baılanysty, sarapshylar mundaı tehnologııalardy baqylaýsyz paıdalanýǵa bolmaıtynyn eskertedi.
«Bul tásilder tek qaterge ákep soǵady. Olardy paıdalaný qajet bolýy múmkin, biraq bul sheshimdi kim qabyldaıdy? Barlyq qoǵam bul máseleni talqylaýǵa atsalysýy kerek», - dedi BUU-ynyń klımat jónindegi burynǵy sarapshysy, klımattyq geoınjenerııa basqarmasy boıynsha Karnegı bastamasynyń atqarýshy dırektory ıAnosh Pastor.