BUU burynǵy bas hatshysy Aqtóbedegi qorǵa qoldaý kórsetedi
Aqtóbege Ońtústik Koreıadaǵy Ense ýnıversıtetiniń «Severans» gospıtali men «Severans KZ» halyqaralyq medıtsınalyq qorynyń delegatsııasy keldi.
Delegatsııa Aqtóbe oblysynyń ákimi Berdibek Saparbaevpen kezdesip, birlesken qor qurýǵa sheshim shyǵardy. Bul qor jergilikti dárigerlerdiń tájirıbe jınap, ınnovatsııalyq ádisterdi úırenýine múmkindik beredi.
Sonymen qatar sheberlik sabaqtary ótkizilip, Koreıa dárigerleri naýqastarǵa keńes beredi, jedel medıtsınalyq kómek kórsetedi.
Aqtóbeniń densaýlyq saqtaý júıesin jetildirýge baǵyttalǵan qorǵa BUU burynǵy bas hatshysy Pan Gı Mýn qoldaý kórsetetin boldy.
«Sizder Batys Qazaqstandyq medıtsınalyq klasteriniń qalyptasýyna úlken úles qosqan strategııalyq, halyqaralyq seriktes boldyńyzdar. Sizderdiń kómekterińizdiń arqasynda oblystyń ondaǵan dárigeri Koreıanyń jetekshi emhanalarynan tájirıbeden ótti, transplantatsııa boıynsha joǵary kásibı otalardy jasaý bastalyp, oıdaǵydaı júrgizilýde. Endi bizdiń seriktestigimiz jańa baǵytta damyp keledi»,- dedi Aqtóbe oblysynyń ákimi Berdibek Saparbaev.
Kezdesý kezinde úshjaqty memorandýmǵa qol qoıyldy. Ense ýnıversıtetiniń qurmetti rektory, Ense ýnıversıtetiniń qoǵamdyq-áleýmettik kómek halyqaralyq ınstıtýtynyń dırektory Pan Gı Mýn arnaıy sálemhat joldap, «Aqtóbe-Severans» qaıyrymdylyq qoryn qurý bastamasyna qoldaý kórsetetinin jetkizgen.