BUU búkil adamzatty biriktiretin jalǵyz ámbebap uıym bolyp qala beredi - Toqaev

ASTANA. QazAqparat – Astana halyqaralyq forýmynyń jalpy otyrysynda Prezıdent Qasym-Jomart Toqaev BUU-nyń álemdegi tártipti saqtaýdaǵy róline toqtaldy, dep habarlaıdy QazAqparat tilshisi.

«Biz Birikken Ulttar Uıymy qurylǵannan beri salynǵan álemdik tártiptiń irgetasynyń buzylý protsesine kýá bolyp otyrmyz», - dedi Memleket basshysy.

Sondaı-aq, Qasym-Jomart Toqaev Qaýipsizdik keńesindegi elderdiń teń quqyǵy týraly paıymyn aıtty.

«BUU búkil adamzatty biriktiretin jalǵyz ámbebap jahandyq uıym bolyp qala beredi. Sonymen qatar, biz Qaýipsizdik keńesin jan-jaqty reformalamasaq, qazirgi qıyndyqtardy sátti sheshe almaımyz. Keńestegi «orta derjavalar» ókilderiniń úni neǵurlym salmaqty bolýy jáne estilýi kerek», - dedi Prezıdent.

Aıta keteıik, elordadaǵy Astana halyqaralyq forýmynyń jalpy otyrysyna Prezıdent Qasym-Jomart Toqaev qatysyp jatyr.

Sonymen qatar Qyrǵyzstan Prezıdenti Sadyr Japarov, Bosnııa jáne Gertsegovına prezıdıýmynyń tóraǵasy Jelka Tsvııanovıch, Ózbekstan Premer-mınıstri Abdýlla Arıpov, ıÝNESKO bas dırektory Odre Azýle, Halyqaralyq valıýta qorynyń basqarýshy dırektory Krıstalına Georgıeva jáne basqa da spıkerler sóz sóıleıdi dep josparlanǵan.