BUU bitimgerleri áýe ushýlaryn azaıtady

ASTANA. QazAqparat - BUU Bas hatshysy Antonıý Gýterrısh búkilálemdik uıymnyń bitimgerlik mıssııalaryndaǵy áýe ushýlaryna qatań únemdeý rejımin engizdi, dep habarlaıdy reseılik TASS agentigi.

Bas hatshynyń resmı ókili Stefan Dıýjarrıktiń habarlaýynsha, jańa bastamanyń maqsaty - jylyna $750 mln jumsalatyn BUU ushaqtar men tikushaqtar parkine jumsalatyn shyǵyndaryn azaıtý.

Uıymnyń áýe flotynyń esepteýinshe, qazirgi ýaqytta 58 ushaq pen 157 tikushaq 12 bitimgerlik operatsııaǵa jáne alty arnaıy saıası mıssııaǵa jumyldyrylǵan. Ushý apparattaryn memleketter paıdalanýǵa beredi.

«Avıatsııa quraldarynyń logıstıka men áskerı kúsh-qýat úshin asa mańyzdy ekenine qaramastan, olardy paıdalanýdyń eleýli shyǵyndary eskerildi jáne bas hatshy ókildik basshylaryna avıatsııa quramy men qoldaný ádisterine turaqty negizge taldaý júrgizip, túzetýler engizýdi, sondaı-aq shyǵyndardy azaıtý múmkindikterin izdeýdi tapsyrdy», - dedi Bas hatshy ókili.

Jyldan-jylǵa BUU $5,4 mlrd kólemindegi turaqty bıýdjetin jáne jylyna $8 mlrd soma shyǵyndalatyn bitimgerlik mıssııalaryn qarjylandyratyn múshe memleketter uıymǵa shyǵyndardy azaıtýdy talap etip keledi.