BUU basshysy: Adamzat sheshilmes problemalardyń aldynda tur

NUR-SULTAN. QazAqparat - Kedeılik pen teńsizdiktiń kúsheıýi, qaqtyǵystar, bytyrańqylyq pen senimsizdik – adamzat sheshilmes problemalardyń aldynda tur. Bul týraly Halyqaralyq adamzat baýyrlastyǵy kúninde oqyǵan joldaýynda BUU Bas hatshysy Antonıý Gýterrısh aıtty, dep habarlaıdy QazAqparat BUU jańalyqtar saıtyna silteme jasap.

Halyqaralyq baýyrlastyq kúninde ol mádenı jáne dinı túsinistik pen ózara qurmettiń mańyzdylyǵyn eske salyp, dıalog pen konfessııaaralyq kelisimdi ilgeriletip otyrǵan dúnıejúzindegi din kóshbasshylaryna alǵysyn bildirdi. BUU basshysy óz joldaýynda tek dini nemese senimi, etnıkalyq, jynysy nemese jynystyq baǵdary negizinde adamdarǵa qarsy óshpendilik, tózimsizdik, kemsitýshilik, tipti fızıkalyq shabýyldardyń kóbeıýin aıyptady. Gýterrıshtiń aıtýynsha, mundaı jantúrshigerlik áreketter – Birikken Ulttar Uıymynyń qundylyqtaryna jasalǵan shabýyl.

Ol barlyǵy úshin ınklıýzıvti, beıbit jáne ádiletti álem qurý úshin yntymaqtastyqta áreket etýge shaqyrdy.