BUU basshylyǵy Qazaqstan bitimgershileri sanyn arttyrýǵa qyzyǵýshylyq tanytty
«Qazirgi ýaqytta Batys Saharadaǵy BUU mıssııasysynda 5 qazaqstandyq áskerı qyzmetshi qyzmet atqaryp jatyr. BUU basshylyǵy bizdiń áskerılerdiń daıyndyq deńgeıine joǵary baǵa berdi jáne olardyń sanyn arttyrýǵa qyzyǵýshylyq tanytty», - dep atap ótilgen mınıstrliktiń málimetinde.
Atap aıtqanda, búginde QR Qorǵanys mınıstrligi QR Syrtqy ister mınıstrligimen ózara is-qımyl jasaı otyryp, BUU mıssııasyna áskerı baqylaýshylar men shtabtyq ofıtserlerdiń qatysý sanyn arttyrý, sondaı-aq sany rotaǵa deıin áskerı bólimsheni jiberý boıynsha jumystar júrgizýde.
Belgili bolǵandaı, 2014 jyldan bastap qazirgi ýaqytqa deıin 13 qazaqstandyq ofıtser Batys Sahara jáne Kot-d'Ivýarda 12 aı ishinde BUU mıssııasyna qatysty.
Esterińizge sala keteıik, QR Parlamentiniń 2013 jylǵy 20 jeltoqsandaǵy qaýlysyna sáıkes, beıbitshilikti jáne qaýipsizdikti qoldaý boıynsha halyqaralyq mindetterdi oryndaý úshin BUU bitimgershilik mıssııasyna áskerı baqylaýshylar retinde QR Qarýly Kúshteriniń ofıtserlerin jiberý júzege asyrylýda.
2017 jyldyń naýryz aıynda QR Qorǵanys mınıstriniń orynbasary Talǵat Muhtarov Májilis depýtattaryna BUU mıssııalaryna qatysyp júrgen qazaqstandyq bitimgerler týraly aıtyp bergen edi. https://kaz.inform.kz/news/korganys-ministrligi-kazakstandyk-bitimgershilerge-zhasalatyn-zhenildikter-turaly-aytty_a3007418
Qorǵanys mınıstrliginiń málimetinshe, «Qazbat» sapyna enýge nıettiler qatary qalyń kórinedi. Sondyqtan da irikteýdiń qatań tártibi bekitilgen. Osy oraıda densaýlyq jaǵdaıy, sporttyq daıarlyǵy, kásibı daǵdylary, tilderdi meńgerýi, psıhologııalyq turaqtylyǵy jáne basqa da jeke qasıetteri eskeriledi.