BUU basshysy: Gaza sektorynyń soltústigindegi beıbit turǵyndardyń jaǵdaıy aýyr «tózý múmkin emes»

<p>ASTANA. KAZINFORM &mdash; BUU Bas hatshysy Antonıý Gýterrısh Izraıldiń qarqyndy áskerı operatsııasy jalǵasyp jatqan Gaza sektorynyń soltústigindegi qaza bolǵandar, jaralanǵandar men qıraǵan ǵımarattar aýqymyna &laquo;tańqaldy&raquo; dedi onyń baspasóz hatshysy málimdemesinde. Bul týraly <a href="https://russian.news.cn/20241028/10f418e706074da7a9bd2c6a75c2b643/c.html" target="_blank" rel="noopener">Sınhýa</a> agenttigi jazdy.</p>

Gazanyń densaýlyq saqtaý mınıstrliginiń málimdemesine sáıkes, sońǵy birneshe aptada Gazada júzdegen adam qaza taýyp, 60 myńnan astam adam qaıta qashýǵa májbúr boldy, kópshiligi qaıtyp orala almaımyz dep qorqady, delingen habarlamada.

Málimdemede «Gazanyń soltústiginde qamaýda qalǵan palestınalyq beıbit turǵyndardyń jaǵdaıy adam tózgisiz» delingen.

Birikken Ulttar Uıymynyń Bas hatshysy óz málimdemesinde qaqtyǵys taraptary beıbit turǵyndardy, sonyń ishinde gýmanıtarlyq qyzmetkerler men alǵashqy kómek kórsetýshilerdi qurmetteýge jáne qorǵaýǵa tıis, olardyń ómirlik mańyzdy jumysy jeńildetilip, qorǵalýy tıis ekenin atap ótti.

BUU basshysy tez arada atysty toqtatýǵa, barlyq kepilge alynǵandardy shuǵyl ári sózge kelmesten bosatýǵa jáne halyqaralyq quqyqqa sáıkes qylmystar úshin jaýapkershilikke tartý týraly úndeýlerin qaıtalady.