BUU basshysy Gaza sektoryndaǵy «beıbit turǵandardyń tolassyz ólimin» qatań aıyptady

<p>ASTANA. KAZINFORM &mdash; Birikken Ulttar Uıymynyń Bas hatshysy Antonıý Gýterrısh Gaza sektorynda, sonyń ishinde senbi kúni Izraıldiń Beıt-Lahııadaǵy turǵyn aýdanǵa jasaǵan soqqylarynan &laquo;ajal qushqandardyń ólimin&raquo; aıyptady. Bul týraly baspasóz hatshysynyń orynbasary Farhan Hak dúısenbidegi kúndelikti brıfıngide aıtty, dep habarlaıdy <a href="https://russian.news.cn/20241022/15f5db7eeb4c44238f8653a304e239bb/c.html" target="_blank" rel="noopener">Sınhýa</a>.</p>

«Beıbit turǵyndar qashan da qurmettelip, qorǵalýy kerek», — dedi F.Hek.

Gazadaǵy densaýlyq saqtaý organdarynyń málimetinshe, senbi kúni Izraıl áýe kúshteriniń Gaza sektorynyń soltústigindegi Beıt-Lahııadaǵy turǵyn aýdanǵa jasaǵan shabýylynan 87 palestınalyq qaza taýyp, 40-tan astamy jaralanǵan.

«BUU bas hatshysy Gaza sektorynyń soltústigindegi beıbit turǵyndardyń jaǵdaıynyń tez nasharlaýyna, sonyń ishinde jappaı kóshirý men ómir súrý úshin qajetti zattardyń joqtyǵyna qatty alańdaıdy», - dedi Hak.

A.Gýterrısh gýmanıtarlyq sala mamandary men qutqarýshylar jumystaryn kedergisiz jalǵastyrý úshin meıilinshe jaǵdaı jasaýǵa shaqyrdy.  

«Gazanyń soltústigindegi aýrýhanalarǵa jasalǵan sońǵy shabýyldar onsyz da kúıip turǵan gýmanıtarlyq daǵdarysty odant ári kúsheıtip, ondaǵan myń adamnyń ómirin qaýipke tigip otyr», - dedi Hak jaýyngerlerdi naýqastar men medıtsınalyq qyzmetkerlerdi qorǵaýǵa shaqyryp.

BUU bas hatshysy shuǵyl atysty toqtatýǵa shaqyrdy.

«Gaza aýmaǵynda halyqaralyq gýmanıtarlyq quqyqtyń óreskel buzylǵanyn jan-jaqty baqylap otyrmyz. Osy qaqtyǵysqa qatysýshy barlyq taraptardy jasaǵan halyqaralyq qylmystary úshin jaýapqa tartý mańyzdy. Shuǵyl túrde Gaza aýmaǵynda qalǵan tutqyndardy bosatyp, ýaqyt kúttirmeı atysty toqtatý kerek», - dedi ol. 

Eske sala keteıik, buǵan deıin Izraıl Syrtqy ister mınıstri Israel Kats BUU bas hatshysy Antonıý Gýterrıshke evreı memleketine kirýge tyıym salǵanyn jazǵan bolatynbyz.