BUU basshysy Daǵystandaǵy lańkestik áreketterdi aıyptady

<p>ASTANA. KAZINFORM &mdash; BUU Bas hatshysy Antonıý Gýterrısh Reseıdiń Daǵystan Respýblıkasynda jeksenbi kúni jasalǵan lańkestik áreketterdi &laquo;qatań túrde&raquo; aıyptady. Bul týraly <a href="https://russian.news.cn/20240625/56ebf04373074cdfaea2bf10b27d8782/c.html" target="_blank" rel="noopener">Sınhýa </a>agenttigi jazdy.&nbsp;</p>

Dúnıejúzilik uıymnyń basshysy «jeksenbi kúni Reseı Federatsııasynyń Daǵystan Respýblıkasyndaǵy evreı jáne hrıstıan dinı oryndary men qaýipsizdik kúshterine qarsy jasalǵan lańkestik áreketterdi qatań túrde aıyptaıdy», - dedi BUU Bas hatshysynyń resmı ókili Stefan Dıýjarrık.

Onyń aıtýynsha, A.Gýterrısh qaza bolǵandardyń týystaryna, Reseı halqy men úkimetine kóńil aıtyp, jaralylardyń tezirek saýyǵyp ketýin tiledi.

Daǵystannyń Densaýlyq saqtaý mınıstrliginiń habarlaýynsha jeksenbi kúngi Reseıdiń ońtústiginde jasalǵan sodyrlardyń shabýyldary saldarynan kem degende 20 adam qaza taýyp, taǵy 46 adam jaraqat aldy, onyń ishinde quqyq qorǵaý organdarynyń qyzmetkerleri men beıbit turǵyndar da bar.

Aıta keteıik, 24 maýsym kúni Daǵystanda belgisiz bireýler pravoslav shirkeýi men sınagogaǵa shabýyl jasady.

Sonyń saldarynan polıtsııanyń 15 qyzmetkeri men 4 azamat qaza boldy. Onyń arasynda shirkeýi qyzmetkeri de bar.

Respýblıkada 24, 25 jáne 26 maýsym azat tutý kúni bolyp jarııalandy.

Qaıǵyly jaǵdaıǵa baılanysty Memleket basshysy Qasym-Jomart Toqaev Reseı Prezıdenti Vladımır Pýtınge kóńil aıtty.

Daǵystandaǵy teraktini kimder uıymdastyrǵany belgili boldy.