BUU Bas hatshysy jańa shtamdardyń qaýpi týraly eskertti: 4 mln adam kóz jumdy

NUR-SULTAN QazAqparat - Álemdik qaýymdastyq vırýstyń asa qaýipti shtamdarynyń paıda bolýyna qaýip tóndiretin koronavırýstyń qarqyndy taralýyn toqtatýy tıis. Bul týraly sársenbide BUU Bas hatshysy Antonıý Gýterrısh málimdedi, dep habarlaıdy QazAqparat BUU jańalyqtaryna silteme jasap.

«Búgin álemde COVID-19 pandemııasynyń aıasynda taǵy bir qaıǵyly rekord ornatyldy. Osy vırýstyń saldarynan tórt mıllıon adam qaıtys boldy», - dedi BUU Bas hatshysy.

«Eger vırýs orman órti sııaqty taralsa, kóptegen mıllıondaǵan adamdarǵa qaýip tónedi. Ol neǵurlym kóp taralsa, soǵurlym juqpaly, ólimge ákeletin jáne qoldanystaǵy vaktsınalardyń tıimdiligi azaıtatyn shtamdar paıda bolady», - dedi Dúnıejúzilik uıymnyń basshysy.

Gýterrısh sonymen qatar jahandyq vaktsınatsııa josparyn júzege asyrý úshin Tótenshe jumys tobyn qurýǵa shaqyrdy. Bas hatshynyń usynysyna sáıkes, oǵan vaktsınalar shyǵarýǵa múmkindigi bar barlyq elder, sondaı-aq Dúnıejúzilik densaýlyq saqtaý uıymy, vaktsınalar jónindegi jahandyq alıans jáne tıisti farmatsevtıkalyq kompanııalarmen jáne óndirýshilermen jumys isteýge qabiletti halyqaralyq qarjy ınstıtýttary kirýi kerek.