BUU Bas hatshysy: reseılik vaktsına pandemııaǵa qarsy kúreste mańyzdy ról atqarýy múmkin

BUU. TASS-QazAqparat – BUU Bas hatshysy Antonıý Gýterrısh Dúnıejúzilik densaýlyq saqtaý uıymynyń (DDSU) koronavırýsqa qarsy shyǵarylǵan reseılik vaktsınaǵa barynsha tez sertıfıkat beretinine senip otyr, dep habarlaıdy QazAqparat TASS agenttigine silteme jasap.

Koronavırýsqa qarsy shyǵarylǵan reseılik vaktsına BUU mıssııalarynda qoldanylyp, pandemııaǵa qarsy kúreste mańyzdy ról atqara alady, dep málimdedi Gýterrısh.

«Biz reseılik vaktsınany bul kúreste (koronavırýs pandemııasymen – TASS) óte mańyzdy ról atqara alady dep senemiz. Ol vaktsınalar óz qyzmetkerlerimiz úshin de, jergilikti turǵyndar úshin de qoldanylýy múmkin», - dep atap ótti ol.

«BUU úshin jalǵyz shart – bizdiń tek DDSU bekitken vaktsınany qoldana alatynymyz. Qazirgi kezde Reseı bıligi men DDSU arasynda baılanys ornatylyp jatqanyn bilemin jáne onyń reseılik vaktsınanyń barynsha tez moıyndalyp, sertıfıkattalatynyna úmittenemin», - dep qosyp ótti ol.