BUU Bas hatshysy Naýryzdy toılap jatqan halyqtardy quttyqtady
15:23, 22 Naýryz 2018
ASTANA. QazAqparat - BUU Bas hatshysy Antonıý Gýterrısh Naýryz meıramyn atap ótip jatqan barsha halyqtardy quttyqtady. Bul týraly BUU jańalyqtar ortalyǵy málim etti, dep habarlaıdy QazAqparat.
«Ǵalamshardaǵy 300 mıllıonnan astam adam ejelden kóktemgi kún men túnniń teńelýi, ıaǵnı jańa jyldyń bastaýy retinde Naýryzdy atap ótýde. Bul meıram adamzatqa beıbitshilik pen teń quqyqty ustanýda, sondaı-aq turaqty damýdaǵy umtylysta múmkindikterdi naqtylaýǵa jol ashady», - dedi Antonıý Gýterrısh BUU-da Naýryzǵa arnalǵan shara barysynda.
BUU Bas hatshysy álemde ksenofobııa men násilshildik qubylystary jıi kezdese bastaǵan búgingi ýaqytta Naýryz muraty erekshe ózekti ekenin atap ótti.
2009 jyly Naýryz merekesi Adamzattyń materıaldyq emes mádenı murasynyń reprezentatıvti tizimine engizilse, 2010 jyly BUU-nyń Bas Assambleıasy ony halyqaralyq kún dep jarııalady.
Foto Aýǵanystandaǵy BUU Mıssııasynda túsirilgen/F.Vaezı