BUU Bas hatshysy: Qaıtys bolǵan mıllıon adamnyń taǵdyry bizdi oılandyrýy kerek

NЬıÝ-IORK. QazAqparat – BUU Bas hatshysy úkimetterdi de, qarapaıym adamdardy da burynǵy qatelikterden sabaq alyp, adamdardyń ómiri úshin jaýapkershilikti moınyna alý qajettigin aıtty.

Ol úshin adamdar bir-birimen yntymaqtasyp, ǵalymdardy tyńdaý, teris aqparat taratpaý, qashyqtyqty saqtaý, maska taǵý jáne qol jýý sııaqty talaptardy múltiksiz oryndaýy kerek.

Bul týraly QazAqparat BUU Jańalyqtar ortalyǵyna silteme jasap habarlaıdy.

DDSU málimetinshe, koronavırýs ınfektsııasynan qaıtys bolǵandardyń sany mıllıon adamnan asqan.

«Biz qorqynyshty shekten asyp kettik: COVID-19 pandemııasy mıllıon adamnyń ómirin qıyp ketti. Bul san úreı týdyrady. Bul bireýdiń ákesi men anasy, áıeli men eri, aǵasy men ápkesi, dosy jáne áriptesi», - dedi Gýterrısh.

«COVID-19 mıllıondaǵan adamnyń ómirin ózgertip qana qoımaı, dúnıege kelgen kúnin atap ótýge nemese qymbatty adamdarymyzdy sońǵy saparǵa shyǵaryp salý múmkindiginen aıyrdy» - dep atap ótti BUU basshysy.

«Pandemııanyń sońy kórinbeıdi», - dep eskertti Bas hatshy. Bul adamdar áli de jumystan aıyrylyp, bilim alýdan qol úzetinin, qalypty ómirge orala almaıtynyn bildiredi.

Sonda da bolsa, Antonıý Gýterrısh bizdiń vırýsty jeńip shyǵa alatynymyzǵa senimdi.

Onyń aıtýynsha, kóshbasshylardyń jaýapkershiligi, ǵylymı qadam, yntymaqtastyq pen senimdi aqparat búginde erekshe mańyzdy.

«Vaktsınany daıyndaý jumystary júrgizilgenshe, adamdardyń ómirin qutqarý úshin qoldan keletinniń bárin jasaıyq: fızıkalyq qashyqtyqty saqtap, maska taǵyp, qol jýaıyq», - dep úndedi Bas hatshy.