BUU Bas hatshysy Aýǵanstanda adam quqyqtarynyń buzylýyna jol bermeýge shaqyrdy

NЬıÝ-IORK. TASS-QazAqparat – Birikken Ulttar uıymynyń Bas hatshysy Antonıý Gýterrısh «Talıban» qozǵalysy (Qazaqstanda tyıym salynǵan) men Aýǵanstandaǵy shıelenistiń basqa da taraptaryn barynsha sabyrlyq tanytýǵa shaqyrdy.

Bul týraly Bas hatshy keńsesiniń jeksenbi kúni taratylǵan málimdemesinde aıtylǵan, dep habarlaıdy QazAqparat TASS aqparat agenttigine silteme jasap.

«BUU Bas hatshysyn Aýǵanstandaǵy jaǵdaı alaǵdatyp otyr. Ol «Talıban» men basqa taraptardy adamdardyń ómirin saqtap qalyp, olardy gýmanıtarlyq qajettiliktermen qamtamasyz etý úshin barynsha sabyrlylyq tanytýǵa úndedi», - delingen málimdemede.

BUU Bas hatshysy sondaı-aq Aýǵanstanda adam quqyqtarynyń buzýylýyn toqtatýǵa shaqyrdy. BUU Aýǵanstan turǵyndaryna gýmanıtarlyq kómek kórsetýge nıetti.

«BUU beıbit jolmen retteý, barlyq aýǵandyqtar, ásirese áıelder men qyz balalardyń quqyqtaryn qorǵaý jáne muqtaj azamattardyń ómirin aman saqtap qalý úshin qajetti kómek kórsetý jumysyn kózdep otyr», - delingen málimdemede.