BUU Bas hatshysy Astanada Sırııa máselesine qatysty qabyldanǵan kelisimdi qoldady

ASTANA. QazAqparat - BUU Bas hatshysy Antonıý Gýterrısh beısenbi kúni Astanada qol jetkizilgen Sırııada deeskalatsııa aımaǵyn qurý týraly ýaǵdalastyqty qoldady jáne ol el turǵyndarynyń jaǵdaıyn jaqsartý   úshin mańyzdy dep sanaıdy. Bul týraly onyń resmı ókili Stefan Dıýjarrık málim etti, dep habarlady TASS.

Onyń aıtýynsha, BUU ákimshilik basshysy Reseı, Iran, Túrkııa qol qoıǵan kelisimdi qoldaıdy. «Bul ýaǵdalastyq  sırııalyqtardyń ómirin  jaqsartýda óte mańyzdy. Bas hatshy qarýdyń barlyq túrin, ásirese avıatsııany paıdalanýdy toqtatý, kedergisiz gýmanıtarlyq kómek berý, sondaı-aq medıtsınalyq kómek jetkizý jáne beıbit turǵyndardyń negizgi qajettiligin qanaǵattandyrý úshin jaǵdaı jasaý mindettemesin qoldaıdy», - delingen Dıýjarrıktiń hatynda.

Bul rette ol adamdardyń turýy úshin  qaýipsiz aımaq qurý olardyń basqa elderden baspana izdeý, alý quqyǵyna áser etpeýi tıis ekenin atap ótti. Bas hatshynyń ókili habarlaǵandaı, BUU Qaýipsizdik keńesiniń qarary aıasynda Sırııadaǵy jaǵdaıdy deeskalatsııalaý boıynsha kúshke qoldaý kórsetýdi jáne tutqyn almasý, mınadan tazalaý máseleleri boıynsha Astanadaǵy pikirtalasqa járdemdesýdi jalǵastyratyn bolady.