BUU Bas hatshysy álem elderin Aýǵanstanǵa 606 mln dollar kóleminde kómek berýge shaqyrdy

JENEVA. TASS – QazAqparat – BUU Bas hatshysy Antonıý Gýterrısh Aýǵanstan boıynsha Jenevada ótken kezdesýde álem elderin aldaǵy tórt aıda ıslam respýblıkasyna kómekke 606 mln AQSh dollaryn bólýge shaqyrady.

Bul týraly Kabýlǵa saparynyń qorytyndysy boıynsha seısenbi kúni ótken brıfıngide BUU bas hatshysynyń gýmanıtarlyq máseleler jónindegi orynbasary Martın Grıffıts málim etti, dep habarlaıdy QazAqparat reseılik TASS agenttigine silteme jasap.

«Bas hatshy dúısenbi kúni, 13 qyrkúıekte, Jenevada álem elderin tórt aılyq kezeńge 606 mln AQSh dollaryn bólýge shaqyryp, sóz sóıleıdi», - dedi Grıffıts.

Onyń aıtýynsha, bul qarajat «Aýǵanstannyń qazirgi gýmanıtarlyq qajettilikterin qanaǵattandyrýǵa», «azyq-túlik, dári-dármek, medıtsınalyq qyzmetterdi», sondaı-aq qyzmetkerlerdiń qaýipsizdigin qamtamasyz etýge jumsalady.

13 qyrkúıekte BUU Bas hatshysy Jenevada Aýǵanstanǵa gýmanıtarlyq kómek kórsetý jónindegi mınıstrlik kezdesýin shaqyrady. Ol eldegi gýmanıtarlyq operatsııany qarjylandyrýdy ulǵaıtýǵa, sondaı-aq gýmanıtarlyq qol jetimdiliktiń «tolyq jáne kedergisiz» bolýyn qamtamasyz etýge baǵyttalady.