BUU Bas hatshysy Antonıý Gýterrısh Dımashpen kezdesti

<p>ASTANA. KAZINFORM - Búgin BUU Bas hatshysy Antonıý Gýterrısh Halyqaralyq kóshi-qon uıymynyń (HKU) izgi nıet elshisi, álemge áıgili ánshi Dımash Qudaıbergenmen kezdesti.</p>

«4 shildede HKU Іzgi nıet elshisi retinde ShYU sammıti aıasynda Qazaqstanǵa saparmen kelgen BUU Bas hatshysy Antonıý Gýterrısh myrzamen kezdestim. Kóshi-qondaǵy mańyzdy máseleni talqylanyp, bul baǵyttaǵy jumystardy qoldaıtynymdy aıttym. Bas hatshy kóshi-qon salasynyń mańyzdy tustaryna toqtaldy», - dep jazdy D.Qudaıbergen óziniń áleýmettik jelidegi paraqshasynda. 

Sonymen qatar, Bas hatshy A.Gýterrısh Dımashtyń óneri búkil álem boıynsha mıllıondaǵan adamdy tánti etip, onyń daýysy adam quqyqtaryn qorǵaýda qomaqty úles qosatynyn atap ótti.

«Men óz talantymdy álemdegi ońtaıly ózgeristerge paıdalana alatynyma rızamyn. Sondyqtan búgingi túsken fotosýretti qýana otyryp kópshilik nazaryna usynamyn», - dedi ánshi.

Eske sala keteıik, Astanadaǵy ShYU sammıtiniń qarsańynda BUU Bas hatshysy Antonıý Gýterrısh Silk Way-ge bergen eksklıýzıvti suhbatynda atalǵan sammıt pen Qazaqstannyń osy uıymdaǵy róli týraly pikirin bildirdi.