BUU Bas Assambleıasynan ne kútýge bolady – The New York Times

NUR-SULTAN. QazAqparat - «Álemniń 200-den astam kóshbasshysy álemdegi eń iri dıplomatııalyq arenada osy apta boıy júzdegen kezdesý ótkizedi jáne klımattyń ózgerýi, Iran men saýda týraly taqyryptarǵa pikirtalas uıymdastyrady. Eń mańyzdy taqyryp – AQSh pen Saýd Arabııasynyń Iranǵa qatysty pozıtsııasy aptanyń basynda talqylanady», dep jazady The New York Times basylymy.

Jyl saıyn ótkiziletin BUU Bas Assambleıasy birqatar daǵdarystardy talqylaıdy.

«193 memleketti qamtyǵan Bas Assambleıasynyń 74 sessııasynyń kún tártibine saýda soǵysy, mıgratsııa, energııamen qamtý, klımattyń ózgerýi jáne kedeılikten qutylý máseleleri talqylanady», deıdi basylym. Avtordyń aıtýynsha, BUUnyń bas hatshysynyń saıası máseleler boıynsha burynǵy orynbasary Djefferı Feltman kópshilik AQSh saıasatynyń qandaı bolatynyn bilgisi keletinin aıtqan.

«Jıynǵa Qytaı, Reseı, Venesýela prezıdentteri, Izraıl premer-mınıstri kelmeıdi. Mańyzdy kezdesýler aptanyń basynda ótedi dep josparlanǵan. Seısenbi kúni AQSh prezıdenti Donald Tramp Brazılııa prezıdenti Jaır Bolsonarýmen kezdesedi. Al jıynda Donald Tramptan keıin Egıpet prezıdenti Abdel Fattah as-Sısı, Túrkııa prezıdenti Rejep Taıyp Erdoǵan sóz sóıleıdi.

Sonymen qatar Amerıkanyń resmı ókilderi Saýd Arabııasyndaǵy munaı oryndaryndaǵy jarylysty Iran jasaǵanyna dálelder keltiredi dep kútilýde», dep jazady basylym. Avtordyń aıtýynsha, dúısenbi kúngi otyrys klımat daǵdarysyna arnalady jáne bul jıynǵa60 eldiń memleket basshylary qatysady.

BUU Bas Assambleıasynda sondaı aq AQSh pen Qytaıdyń saýda soǵysy máselesi kóteriledi dep kútilýde.

Sonymen qatar, AQSh pen Túrkııa prezıdentteri kezdesýi múmkin.