BUU Bas Assambleıasy: «2030 jylǵa qaraı týberkýlezdi jeńemiz»

<p>Týberkýlez indetimen kúresýdiń jańa baǵyttary BUU Bas assambleıasy aıasynda álem kóshbasshylary bekitken Saıası deklaratsııaǵa engizildi, dep habarlaıdy <a href="https://kaz.inform.kz/" target="_blank" rel="noopener">QazAqparat </a><a href="https://ru.euronews.com/2023/09/23/fight-against-tuberculosis" target="_blank" rel="noopener">Euronews </a>arnasyna silteme jasap.</p>

Aldaǵy bes jyldyq maqsattarǵa adamdardyń 90%-yn týberkýlezdiń aldyn alý jáne emdeý qyzmetterimen qamtý, barlyq patsıentterge járdemaqy paketterin usyný jáne kem degende bir jańa vaktsınany lıtsenzııalaý kiredi.

Bas assambleıa prezıdenti Dennıs Frensıs: «Búgin ǵana maquldanǵan saıası deklaratsııa tutas qoǵamnyń, tutas úkimettiń kózqarasynyń mańyzdylyǵyn kórsetedi jáne 2030 jylǵa qaraı týberkýlezdi joıý boıynsha dáleldi usynystardy belgileıdi», - dedi.

Dúnıejúzilik densaýlyq saqtaý uıymynyń basshysy Tedros Adhanom Gebreııýs 2021 jyly týberkýlez 1 mıllıonnan astam adamnyń ómirin qıǵanyn, onyń kóbi kedeı elderde ekenin aıtyp, bul «teńsizdik aýrýy» ekenin málim etti.