BUU ashtyqpen jáne kedeılikpen kúrestiń jahandyq maqsattaryn kelisti

ASTANA. QazAqparat - Birikken Ulttar Uıymy (BUU) aldaǵy 15 jyldyń kún tártibine qatysty kelisimge qol jetkizdi. Jeksenbi kúni keshke, 2 tamyzda BUU-ǵa múshe 193 memleket «Álemdi ózgertý: 2030 jylǵa deıingi ornyqty damýdyń kún tártibi» atty Іs-qımyl josparyn jarııalady.

«Bul shynymen de tarıhı sát», - dep málimdedi kelissóz úderisiniń teń tóraǵasy, BUU janyndaǵy Kenııanyń turaqty ókili Macharııa Kamaý.

Qujatta 15 jylǵa ornyqty damýdyń 17 maqsaty kózdelgen. Olardyń birinshisi «kedeılikti túp tamyrymen joıýdy» qarastyrady. Ǵalamsharda kedeılerdiń basym bóligi Afrıka men Azııa elderinde turady. Sondaı-aq, BUU Іs-qımyl jospary ashtyqty joıýdy, bilimge, densaýlyq saqtaýǵa qoljetimdilikti qamtamasyz etýdi, jynystar teńdigi, ornyqty ekonomıkalyq ósimdi, jahandyq jylynýǵa qarsy shuǵyl sharalardy iske asyrýdy qamtıdy.

Qujat Nıý-Iorkte 2015 jylǵy qyrkúıekte uıym sammıtinde qabyldanady dep kútilýde. BUU baǵalaýynsha, aldaǵy 15 jyl ishinde qoıylǵan maqsattardy iske asyrýǵa jyl saıyn 3,3-ten 4,5 mıllıard dollarǵa deıin qarajat qajet, dep atap ótedi AFP agenttigi.