BUU Araldy qutqarý qorymen yntymaqtastyq qararyna qol qoıdy
Qazaqstan Respýblıkasyndaǵy Túrikmenstan elshiliginen málim etkendeı, AQSh-tyń Nıý-Iork qalasyndaǵy Birikken Ulttar uıymynyń shtab-páterinde uıymǵa múshe-memleketterdiń ýákiletti ókilderiniń qatysýymen BUU Bas Assambleıasynyń 73-sessııasynyń 85-shi jalpy otyrysy ótti.
«Otyrys barysynda «Birikken Ulttar uıymy men Halyqaralyq Araldy qutqarý qorynyń arasyndaǵy yntymaqtastyq» rezolıýtsııasy bir aýyzdan qabyldandy. Atalmysh rezolıýtsııaǵa Túrikmenstan bastamashy boldy. Onyń birlesken avtory - 21 memleket bolyp otyr», - delingen habarlamada.
Aral teńizin saqtap qalý máselesi jahandyq mańyzǵa ıe ekenin alǵa tarta otyryp, Túrikmenstan atalmysh ekologııalyq daǵdarysty sheshý úshin álemdik qaýymdastyqtar kúsh biriktirýi kerektigin kóterdi. Túrikmenstan Halyqaralyq Araldy qutqarý qoryndaǵy (HAQQ) óz ókilettiligi aıasynda 2017-2019 jyldary Aral teńiziniń basseıni úshin BUU Arnaıy baǵdarlamasyn ázirlegen.
«Qabyldanǵan rezolıýtsııanyń tártibine sáıkes, aımaqtyq yntymaqtastyqty kúsheıtý maqsatynda qordyń jumysyn jetildirý qajettigine mańyz berildi. Qabyldanǵan qarardyń mańyzdy tarmaqtarynyń biri - Aral teńizi basseıni úshin BUU Arnaıy baǵdarlamasyn ázirleý múmkindigi. Sonymen birge 2019 jyly HAQQ Atqarýshy komıteti arqyly BUU mekemeleri men múshe-memleketteri úshin tıisti keńes júrgizý bolyp otyr», - dedi elshilikten.
Qujatta Ortalyq Azııadaǵy turaqty damýdy iske asyrý maqsatynda qorshaǵan ortany qorǵaý boıynsha aımaqtyq baǵdarlamany tıimdi túrde ázirleý jáne júzege asyrý mańyzdylyǵy týraly erekshe sóz qozǵalǵan.
Rezolıýtsııa aıasynda mamandandyrylǵan mekemeler men ózge de uıymdarǵa, halyqaralyq qarjy uıymdaryna Araldy qutqarý halyqaralyq uıymymen yntymaqtastyqty damyta berý usynyldy.