BUU álemdi ashtyq pen kedeılik kútip turǵanyn eskertti

NUR-SULTAN. QazAqparat – BUU pandemııamen kúresý úshin kedeı elderge kómektespeıtin bolsaq, onda búkil álemde qaqtyǵystar, ashtyq pen kedeılik bolatynyn eskertti. Bul týraly QazAqparat BUU jańalyqtary saıtyna silteme jasap habarlaıdy.

BUU halyqaralyq uıymdarǵa pandemııamen kúresý úshin kedeı elderge 6,7 mlrd dollar bólýge shaqyrdy. Kóptegen kedeı elderde pandemııanyń sharyqtaý shegi birneshe aıdan keıin bolady. Alaıda búginde mıllıondaǵan adamdar jumysynan aıyrylyp, ómir súrýge qarajatsyz qaldy.

Atalǵan Halyqaralyq uıym gýmanıtarlyq kómek kórsetýdiń jańartylǵan josparyn tanystyrdy. Ol kezde kómekke qajetti sýmma eki mlrd dollar dollar bolsa, búginde ol qarajat jaǵdaıdyń kúrdelenýine baılanysty 6,7 mlrd dollarǵa ósken.

«COVID-19 pandemııasy bul barlyǵymyz úshin synaq. Alaıda álemdegi kedeı elder óte qıyn jaǵdaılarda qalyp otyr. Qazirdiń ózinde olardyń mıgrantttardan keletin jáne týrızmnen túsetin qarajattary qysqardy», - dedi BUU Bas hatshysynyń gýmanıtarlyq máseleler boıynsha orynbasary Mark Lokok vırtýaldy konferentsııada.

Sondaı-aq, ol sózinde pandemııanyń osy saldaryn joıýmen kúrespeıtin bolsaq, onyń zardabyn kedeı elder ǵana emes búkil álem tartatyndyǵyn jetkizdi.