BUU agenttigi Gaza sektoryna gýmanıtarlyq kómek jetkizýdi toqtatady

<p>ASTANA.KAZINFORM&nbsp; - BAPOR kólikterdi jıi tonaý,&nbsp; urlaý jáne óltirilgen qyzmetkerlerdiń &laquo;buryn-sońdy bolmaǵan sanyna&raquo; baılanysty Gaza sektoryna gýmanıtarlyq kómek jetkizýdi toqtata turatynyn jarııalady, dep jazady <a href="https://www.dw.com/ru/bapor-priostanavlivaet-postavki-gumpomosi-v-sektor-gaza/a-70932477?maca=rus-Red-Telegram-dwglavnoe" target="_blank" rel="noopener">DW.</a></p>

BUU Taıaý Shyǵystaǵy Palestınalyq bosqyndarǵa kómek jáne jumys jónindegi agenttigi (BAPOR) tonaý men kólik urlaý oqıǵalarynyń kóbeıýine baılanysty Gaza sektoryna gýmanıtarlyq kómek jetkizýdi toqtatý týraly sheshim qabyldady.

Vedomstvonyń habarlaýynsha, 16 qarashada gýmanıtarlyq júk tıelgen júk kólikteri kortejin qarýly toptar basyp alǵan. 30 qarashada dál osyndaı oqıǵa boldy: azyq-túlik tasymaldaıtyn birneshe kólik urlanǵan.

- Gýmanıtarlyq qyzmetkerler men jetkizilimderdi qorǵaý jaýapkershiligi okkýpatsııalaýshy derjava retinde Izraılge júkteledi. Olar Gaza sektoryna kómektiń qaýipsiz jetkizilimin qamtamasyz etýi kerek, - dep atap ótti uıym.

Agenttik ókili Lýız Ýoterıdj Al-Jazıraǵa Izraılden Gaza sektoryna gýmanıtarlyq júkterdiń negizgi kirý núktesi Kerem Shalom ótkeli arqyly kómek jetkizý kezinde «kóptegen áriptester qaza tapqanyn» aıtty.

- Bul sheshim tek osy konvoılarǵa qyzmet kórsetetin gýmanıtarlyq qyzmetkerlerdiń qaýipsizdigin qorǵaý jáne qamtamasyz etý úshin qabyldandy, - dedi Ýoterıdj.

BAPOR basshysy Fılıpp Lazzarını gýmanıtarlyq kómektiń toqtatylýy Gaza sektoryndaǵy jaǵdaı múlde tómendep ketken kezde jasalǵanyn aıtty. Ol Gaza sektoryna gýmanıtarlyq júkterdi jetkizý múmkin emestigi «Izraıl bıliginiń kedergilerinen» ekenin atap ótti.

Buǵan deıin Izraıl Birikken Ulttar Uıymyna 1967 jyldan beri jumys istep kele jatqan palestınalyq bosqyndarǵa kómek kórsetý jónindegi BUU-nyń negizgi uıymymen (BAPOR) qarym-qatynasyn retteıtin kelisimniń toqtatylǵany týraly resmı túrde habardar etti.

Halyqaralyq qaýymdastyq BAPOR-dyń ornyna balamaly gýmanıtarlyq agenttik qurý týraly josparsyz qabyldanǵan zańnamaǵa alańdaýshylyq bildirdi.

Izraıl Gaza sektoryn bombalaýdy kúsheıtip, soqqylardan 42 adam qaza tapqanyn jazǵan bolatynbyz.