BUU adamzat baýyrlastyǵynyń halyqaralyq kúnin jarııalady

NЬıÝ-IORK. QazAqparat – Birikken Ulttar Uıymynyń Bas Assambleıasy 4 aqpan kúnin adamzat baýyrlastyǵynyń halyqaralyq kúni dep jarııalaǵan qarar qabyldady, dep habarlaıdy QazAqparat WAM aqparattyq agenttigine silteme jasap.

Seısenbi kúni BUU Bas Assambleıasy Birikken Arab Ámirlikteri, Bahreın, Mysyr jáne Saýd Arabııasynyń bastamasy boıynsha 4 aqpan kúnin adamzat baýyrlastyǵynyń halyqaralyq kúni dep belgilegen qarar qabyldady. Bul qujat dinaralyq jáne mádenıetaralyq dıalogqa járdemdesýge baǵyttalǵan.

Al data bolsa, 2019 jyldyń 4 aqpanynda Ábý-Dabıde eń kóne jáne eń bedeldi ıslam ýnıversıteti Ál-Azhardyń joǵarǵy ımamy, sheıh Ahmed ál-Taııb jáne Rım katolık shirkeýiniń Papasy Frantsısktiń «Búkil álemde beıbitshilik pen birlesken ómir úshin adamzat baýyrlastyǵy týraly qujatqa» qol qoıýyna baılanysty tańdalǵan.

Qarar qabyldanǵan kúnniń aldynda BAÁ-niń BUU-daǵy Elshisi men turaqty ókili Lana Nýsseıbe: «Sońǵy ýaqytta álemde zorlyq, óshpendilikti qozdyrý, ksenofobııa, dinı fanatızm jáne kemsitýshiliktiń ózge de formalarynyń kúrt ósýi baıqalyp otyr. Biz osyndaı transulttyq qaýipterge qarsy adamdar arasynda «adamzat baýyrlastyǵy» rýhyndaǵy nıettestik pen birlikti kótermeleıtin bastamalardy qoldaýymyz qajet.

Adamzat baýyrlastyǵynyń Joǵarǵy komıtetindegi (HCHF) Bas hatshy Gýdje Mohamed Ábdelsalam óz kezeginde bul búkil álemniń jaýapkershiligine aınalǵanyn atap ótti.

Qarardyń birlesken avtorlary retinde BUU-ǵa múshe 34 memleket qosyldy.