BUU: Adam saýdasy men zańsyz mıgratsııanyń artynda aqshaǵa qunyqqan qylmystyq toptar tur

NUR-SULTAN. QazAqparat – BUU esirtki men qylmys jónindegi basqarmasynyń aımaqtyq úılestirýshisi Danılo Kampısı adam saýdasy men zańsyz mıgratsııanyń saldary, oǵan qarsy turý mańyzy týraly pikirimen bólisti, dep habarlaıdy QazAqparat tilshisi.

«Adam saýdasy men zańsyz mıgratsııa máseleleri óte ózekti. Búkil álemde tabys kózi maqsatynda mıllıondaǵan jan adam saýdasy qurbanyna aınalyp, zańsyz mıgratsııany basynan ótkizedi. Adam saýdasyna qatysty óte qaterli isterdiń ushyǵy uıymdasqan qylmystyq toptarǵa baryp tireledi. Qylmystyq toptar adamdardy seksýaldy eksplýatatsııa nemese kúshtep jumysqa tartý úshin paıdalanady. Jalpy, Mıgratsııa jónindegi halyqaralyq uıymnyń málimetine súıensek, zańsyz mıgratsııa júıesinde álem boıynsha 5-7 mlrd AQSh dollary aınalymda. Demek, mundaı transulttyq qylmystardyń túbinde zańsyz tabys jatqanyn kórip otyrmyz», - dedi ol elordada ótip jatqan óńirlik semınarda.

BUU EQB ókiliniń aıtýynsha, álem memleketteriniń qarjylyq barlaý qyzmetteri mundaı qylmystardyń aldyn alý, jolyn kesý isimen aınalyspaıdy.

«Sol sebepti, Nur-Sultanda ótip jatqan bul sharaǵa QR Bas prokýratýrasynyń Quqyq qorǵaý organdary akademııasynyń ókilderiniń qatysyp otyrǵanyna qýanyshtymyz. ıAǵnı, Ortalyq Azııa memleketteri bul máselege beı-jaı qarap otyrǵan joq. Mundaı aýyr qylmystardyń jolyn kesý úshin bizge halyqaralyq yntymaqtastyq kerek», - dedi Danılo Kampısı.

Aıta ketsek, aldaǵy eki kúnde Nur-Sultan qalasynda quqyq qorǵaý organdarynyń akademııasy BUU EQB-men birlesip «Adam saýdasy men zańsyz mıgratsııa aınalymyndaǵy zańsyz qarjy aǵynynyń jolyn kesý maqsaty boıynsha halyqaralyq jáne óńirlik yntymaqtastyq» taqyrybynda óńirlik semınar ótkizip jatyr. Semınarǵa Aýǵanstan, Iran, sondaı-aq Qazaqstan, Qyrǵyzstan, Pákistan, Tájikstan, Túrikmenstan jáne Ózbekstan prokýratýra organdarynyń jáne qarjy barlaý bólimsheleriniń ókilderi qatysyp jatyr. Sonymen qatar, jıynda spıkerler retinde BUU EQB halyqaralyq sarapshylary, sondaı-aq quqyq qorǵaý organdary akademııasynyń sarapshylary sóz sóıleıdi.

QR Bas prokýratýrasynyń Quqyq qorǵaý organdary akademııasynyń málimetine súıensek, búkil álem boıynsha shamamen 40 mln adam quldyqta. Qazaqstan jahandyq quldyq ındeksinen 2017 jyly 167 eldiń arasynan 83 orynnan kóringen.