BUU Adam quqyqtary jónindegi komıssarıaty Qazaqstan Obmýdsmenimen yntymaqtastyqty damytýǵa yntaly

ASTANA. QazAqparat - Búgin Qazaqstandaǵy Adam quqyqtary jónindegi ýákil Asqar Shákirov Ortalyq Azııa boıynsha BUU Adam quqyqtary jónindegi Joǵarǵy komıssary Basqarmasynyń Óńirlik ókili mindetin atqarýshy Elızabet da Koshtamen kezdesti. Bul týraly Adam quqtary jónindegi ulttyq ortalyqtyń baspasóz qyzmetinen habarlady.

Kezdesý barysynda quqyq qorǵaý tetigin damytý, Ombýdsmenniń BUU quqyq qorǵaý tetikterimen ózara qarym-qatynasyn jaqsartý, sondaı-aq eldiń Ámbebep kezeńdik sholýdyń ekinshi kezeńinen ótýi salasyndaǵy keń aýqymdy ózekti máseleleri jóninde pikir almasyldy. Jıynda Qazaqstandyq Ombýdsmen ınstıtýtyn ári qaraı nyǵaıtý máseleleri jan-jaqty talqylandy.

Adam quqyqtary jónindegi Joǵarǵy komıssarıatynyń ókili Ombýdsmenniń qyzmetin barynsha qoldady, ınstıtýtsıonaldyq nyǵaıttyrý, tájirıbemen almasý, Ombýdsmenniń ulttyq quqyq qorǵaý mekemeleriniń Halyqaralyq úılestirý komıtetine jáne onyń óńirlik jelilerine aralasýy sııaqty basymdy baǵyttarynda ózara árekettestikti jalǵastyrýǵa daıyn ekenin bildirdi.