BUU: 3 aptada kórshi elderden Sırııaǵa 50 myńnan asa adam oraldy

<p>ASTANA. KAZINFORM &mdash; Birikken Ulttar Uıymynyń Bosqyndar isi jónindegi joǵarǵy komıssary Fılıppo Grandı Sırııaǵa kórshi elderden oralǵan bosqyndar sany 3 apta ishinde 50 myńnan asqanyn atap ótti.</p>

Anadoly aqparat agenttiginiń habarlaýynsha, Grandı H áleýmettik jelisinde Bashar Asad rejımi qulaǵannan keıin sırııalyq bosqyndardyń óz eline oralyp jatqany týraly jazdy.

Ol kórshi elderden otanyna oralǵan sırııalyq bosqyndardyń sany birtindep artyp kele jatqanyn atap ótti. Onyń aıtýynsha, tek sońǵy 3 aptada Sırııaǵa 50 myńnan astam adam oraldy.

Bul rette Grandı Sırııadaǵy ómir súrý jaǵdaılary qorqynyshty bolyp qala beretinin, oralǵan adamdarǵa jáne muqtaj jandarǵa kóbirek gýmanıtarlyq kómek kórsetý qajet ekenin aıtty.

Eske salsaq, Sırııa oppozıtsııasy Damaskiniń Asad rejıminen azat etilgenin jarııalady. Bul týraly Sırııadaǵy adam quqyqtaryn baqylaý ortalyǵy habarlady.

Keıinnen Bashar Asad prezıdenttik qyzmetten bas tartyp, elden ketý týraly sheshim qabyldaǵany belgili boldy.

16 jeltoqsanda Bashar Asad elden qashqan soń alǵash ret málimdeme jasaǵanyn jazǵan edik.