BUU: 2050 jylǵa deıin álem halqynyń sany 2,2 mıllıardqa artady

ASTANA. QazAqparat - 2050 jylǵa deıin álem halqynyń sany 2,2 mıllıardqa artady. Bul týraly Birikken Ulttar Uıymynyń Halyq sany jónindegi qory (ıÝNFPA) málimdedi, dep habarlaıdy «QazAqparat» HAA.

Qordyń «2018 jylǵy álem halqynyń sany» atty baıandamasynda osy ósimniń jartysynan astamyn Afrıkanyń Sahara shólinen ońtústikke qaraı ornalasqan elderi qamtamasyz etetindigi aıtylǵan.

«Qazirgi kezde álemdegi 43 elde bir áıelge shaqqandaǵy týý kórsetkishi tórt baladan asady. Osy tizimdegi 38 el Afrıka qurlyǵynda ornalasqan», - delingen baıandamada.

BUU keltirgen málimetterge qaraǵanda, sońǵy shırek ǵasyrda álem boıynsha reprodýktıvtik quqyqqa baılanysty ahýal meılinshe jaqsarǵan. Degenmen jyl saıyn 300 myńǵa jýyq áıel týý kezinde qaıtys bolady. Mamandar buǵan sebep retinde sol elderdegi reprodýktıvtik quqyq tolyqqandy qamtamasyz etilmegendigin kórsetedi.