BUU: 2015 jyly álemde sheteldik týrıster sany rekordtyq kórsetkishke jetti

ASTANA. QazAqparat - 2015 jyly álemde sheteldik týrıster sany 4,4 paıyzǵa ulǵaıyp, rekordtyq kórsetkishke deıin ósti.

Bul týraly BUU Dúnıejúzilik týrıstik uıymynyń bas hatshysy Taleb Rıfaı málim etti, dep habarlady TASS.

Onyń aıtýynsha, bul kórsetkish ótken jyly 1,18 mlrd. adamdy quraǵan, bul 2014 jylmen salystyrǵanda 50 mıllıon adamǵa kóp.

Sheteldik týrızm deńgeıi Eýropada, Azııa jáne Tynyq muhıt aımaǵynda jáne Amerıkada 5 paıyzǵa ósken. Al Soltústik Afrıkada lańkestik aktiler qaýpine oraı bul kórsetkish 8 paıyzǵa tómendegen. Shetke shyǵatyn týrıster legi jaǵynan ótken jyly Qytaı, AQSh jáne Ulybrıtanııa kósh bastady.

«Kóptegen problemalarǵa qaramastan týrızm odan ári ósip keledi. 2016 jyly biz onyń ortasha eseppen 4 paıyzǵa ósýin kútýdemiz», - dedi uıymnyń bas hatshysy Taleb Rıfaı.

«Sektordaǵy jaqsy kórsetkishter ekonomıkalyq ósimge járdemdesedi, álemniń kóptegen jerlerinde jańa jumys oryndary ashylýyna yqpal etedi. Sondyqtanda memleketterdiń týrızmdi odan ári yntalandyrýy mańyzdy», - dedi ol.

«Týrızmdi damytý kóp jaǵdaıda bizdiń saıahattardy qaýipsiz jáne senimdi etýge járdemdesetin ujymdyq qabiletimizge baılanysty», - dedi uıym basshysy.