BUU: 1 mıllıon sırııalyq ashtyqtan zardap shegýde
00:46, 10 Qańtar 2013
ASTANA. 10 qańtar. QazAqparat - BUU-nyń málimetine súıensek, úkimet gýmanıtarlyq kómekke shekteý qoıǵandyqtan shamamen 1 mıllıon sırııalyq ashtyqtyń azabyn tartyp otyr. muslim.kz saıtynyń jazýynsha, BUU-nyń Dúnıejúzilik azyq-túlik baǵdarlamasy 1,5 mıllıon Sırııa turǵynyna aı saıyn kómek kórsetip otyrǵanyn málimdedi. Alaıda, osyndaı járdemge áli 1 mıllıon adam muqtaj kórinedi.
Dúnıejúzilik azyq-túlik baǵdarlamasy Sırııa bıligi shekteý qoıǵandyqtan ashtyq azabyn tartqandardyń barlyǵyna kómektese almaı otyrǵanyn aıtyp otyr. Sonymen qatar, baǵdarlama basqarmasy ótken aıdyń ózinde 100 myńdaı adam Sırııany tastap bosyp ketkenin habarlady.
ÝMMA aqparat agenttigi habarlaǵandaı, Sırııa terrıtorııasynan kúnine 3 myńnan asa adam óz elinen ózge elge bet alatyn kórinedi.