Bútin bir otbasy sýǵa ketti: taǵy eki adamnyń denesi tabyldy

<p>KÓKShETAÝ. KAZINFORM &mdash; Arshaly aýdanynyń Arnasaı aýylynan 2 shaqyrym jerdegi Astana sý qoımasynda sýǵa batyp ketken otbasy músheleriniń qalǵan ekeýiniń denesi tabyldy.</p>

«1980 jylǵy áıel men 2001 jylǵy qyzdyń denesin kórgen adamdar alyp shyqty. Búgin tańǵy saǵat 06:00 shamasynda Aqmola oblysy TJD Jedel-qutqarý jasaǵynyń qutqarýshylary 1977 jáne 2000 jyldary týǵan eki er adamnyń denesin sýdan alyp shyqty», — dedi Aqmola oblysy TJD baspasóz qyzmetinen.

Foto: Aqmola oblysy TJD

Vedomstvodan atap ótkendeı, bútin bir otbasynyń ómirin qıǵan qaıǵyly jaǵdaı shomylýǵa tyıym salynǵan jerde bolǵan. Osy rette, Aqmola oblysynyń TJD qyzmetkerleri azamattardy sýdaǵy qaýipsizdik sharalaryn saqtaýǵa shaqyrady.

Aıta ketsek, budan buryn Aqmola oblysynda bútin bir otbasy túgeldeı sýǵa batyp ketkenin jazǵan edik.