Burynǵy mınıstr Qaırat Ábdirahmanov dıplomatııalyq qyzmette qalady
11:14, 31 Qańtar 2019
ASTANA. QazAqparat - Burynǵy Syrtqy ister mınıstri Qaırat Ábdirahmanov taıaý ýaqytta elshi qyzmetine taǵaıyndalýy múmkin. Bul týraly búgin Parlament Senatynda tilshilerge Syrtqy ister mınıstri Beıbit Atamqulov aıtty, dep habarlaıdy QazAqparat.
«Qaırat Qudaıbergenuly ári qaraı dıplomatııalyq jumysty jalǵastyrý sheshimin jasady. Jaqyn arada onyń memleketterdiń birine taǵaıyndalýyn (elshi qyzmetine) kútip otyrmyz», - dedi B. Atamqulov.
Aıta keteıik, Memleket basshysynyń Jarlyǵymen Qaırat Qudaıbergenuly Ábdirahmanov basqa jumysqa aýysýyna baılanysty QR Syrtqy ister mınıstri qyzmetinen bosatylǵan edi.
Sonymen qatar, 2018 jylǵy jeltoqsannyń sońynda Qazaqstannyń jańa Syrtqy ister mınıstri qyzmetine Beıbit Atamqulov taǵaıyndaldy.
Kóp uzamaı Memleket basshysy Nursultan Nazarbaev BAQ ókilderimen kezdesý barysynda Beıbit Atamqulovtyń jańa qyzmetke taǵaıyndalýynyń sebebin túsindirdi.