Burynǵy Qorǵanys mınıstrine qatysty is sotta qaralyp jatyr

ASTANA. QazAqparat – QR Bas prokýratýrasy Qylmystyq qýdalaý qyzmeti basshysynyń orynbasary Eldos Qılymjanov burynǵy Qorǵanys mınıstri Murat Bektanovqa qatysty is qaı satyda júrgizilip jatqanyn aıtty, dep habarlaıdy QazAqparat tilshisi.

«Qazirgi ýaqytta burynǵy Qorǵanys mınıstri M. Bektanovty aıyptaý týraly qylmystyq is sotta qaralyp jatyr», - dedi E. Qılymjanov Ortalyq kommýnıkatsııalar qyzmetindegi brıfıngide.

Budan buryn habarlanǵandaı, 9 qańtar kúni Murat Bektanov QR Qorǵanys mınıstri laýazymynan bosatylǵan edi. Memleket basshysy Qasym-Jomart Toqaev mınıstrdiń komandırlik qabilet kórsete almaǵanyn synǵa alǵan-dy.

2022 jylǵy 19 aqpanda QR Bas prokýratýrasy burynǵy Qorǵanys mınıstri Murat Káribaıuly Bektanovqa qatysty Qazaqstan Respýblıkasy Qylmystyq kodeksiniń 452-baby áreketsizdik faktisi boıynsha sotqa deıingi tergep-tekserýdi bastaǵan bolatyn.

Osy bapqa sáıkes, áskerı jaǵdaıda bılikti asyra paıdalanǵany úshin múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyrylyp, 7 jyldan 15 jylǵa deıin bas bostandyǵynan aıyrýǵa jazalanady.