Burynǵy dúnıeni jańa ınnovatsııalyq joba retinde usynyp, satatyndar bar - antıkor

NUR-SULTAN. QazAqparat – Memleket menshigindegi árbir úshinshi aqparattyq júıeni esepten shyǵarý qajet. Sybaılas jemqorlyqqa qarsy is-qımyl agenttiginiń tóraǵasy Oljas Bektenov vedomstvonyń alqa otyrysynda osyndaı pikir aıtty, dep habarlaıdy QazAqparat tilshisi.

«Tsıfrlandyrý salasyna júrgizilgen monıtorıng otandyq aqparattyq tehnologııalar naryǵyn memlekettik organdarmen úlestes kompanııalar monopolııalap alǵanyn kórsetti. Qajetsiz jáne bir-birin qaıtalaıtyn baǵdarlamalar ázirleý tyıylmaı tur. Memleket balansyndaǵy árbir úshinshi aqparattyq júıe esepten shyǵarýǵa jatady», - dedi agenttik tóraǵasy.

Onyń aıtýynsha, burynnan qoldanylyp kele jatqan aqparattyq júıeni jańadan jasalǵan resýrs retinde satyp jiberetin «tabysqoılar» bar kórinedi.

«Qoldanysta júrgen tehnologııalar jańa ázirleme retinde satylyp júr. Memleket tsıfrlandyrýǵa 400 mlrd teńgeden astam qarajat jumsady. Jyl saıyn júıelerdi kútip-baptaýǵa 20 mlrd teńgeden astam qarajat bólinedi. Memlekettik organdar agenttiktiń usynymdaryn oryndap, saladaǵy shyǵyndar ońtaılanady jáne otandyq IT naryqtyń barlyq qatysýshysyna teń jaǵdaı jasalady dep kútemiz»,- dedi Oljas Bektenov.