Burynǵy áıelin pyshaqtap óltirgen qostanaılyqqa qatysty sot úkimi shyqty

QOSTANAI. QazAqparat – Qostanaı oblysynyń Qylmystyq ister boıynsha mamandandyrylǵan aýdanaralyq sotynyń úkimi boıynsha, Qostanaı qalasynyń M. esimdi azamaty burynǵy áıelin qasaqana óltirýde aıypty dep tanyldy, dep habarlaıdy QazAqparat Qostanaı oblystyq sotynyń baspasóz qyzmetine silteme jasap.

«2021 jyldyń 16 maýsymynda Qostanaıda avtobýs aıaldamasynyń janynda burynǵy áıelimen urys kezinde sottalýshy M. áıeldiń keýde tusyna, ishi men arqasyna kóptegen pyshaq jaraqattaryn saldy. Áıel alǵan jaraqattary saldarynan oqıǵa ornynda kóz jumǵan.

Burynǵy áıelin óltirgeni úshin qylmystyq jaýapkershilikten qashý maqsatynda M. óziniń ish qýysyna bir ret pyshaq salǵan», - dep túsindirip ótti sottan.

Sottalýshynyń qastyqpen adam óltirýdegi kinási jábirlenýshiler, oqıǵa kýágerleriniń túsinigi, is boıynsha júrgizilgen saraptama qorytyndylarymen dáleldendi.

«Osylaısha, qylmystyq zańnyń tikeleı talabyn oryndaý, sondaı-aq istiń naqty mán-jaılaryn esepke alǵan sot M-dy qylmystyq-atqarý júıesiniń maksımaldy qaýipsizdik mekemesinde 11 jylǵa bas bostandyǵynan aıyrý jazasyna kesti.

Jábirlenýshilerdiń paıdasyna keltirilgen moraldyq shyǵyn ótemaqysy retinde 10 mln teńge kóleminde aqsha tóletildi», - dep qorytyndylady sottan.

Sot úkimi zańdy kúshine engen joq.