Burynǵy álem chempıony Dennı Garsııa Golovkındi rıngke shaqyrdy

ASTANA. QazAqparat – Eki salmaq dárejesindegi burynǵy álem chempıony amerıkalyq Dennı Garsııa qazaqstandyq Gennadıı Golovkınmen jekpe-jek ótkizýdi qalaıtynyn málimdedi, dep habarlaıdy QazAqparat Sports.kz-ke silteme jasap.

Biraq, aldymen Garsııa orta salmaqtaǵy WBA álem chempıony kýbalyq Erıslandı Larany jeńýi tıis.
«Sodan keıin (Laramen aıqastan keıin) eń úlken jekpe-jek ótkizgim keledi. Osy aıqastan keıin orta salmaqtaǵy chempıon atanamyn. Múmkindiginshe eń úlken aıqasta judyryqtasatyn bolamyn.
(Errol) Spenspen match-revansh ótkizemin, «Kanelo», GGG (Gennadıı Golovkın), bárimen aıqasamyn. Eń úlken kezdesýler osy jekpe-jekten keıin ótkenin qalaımyn», - dedi Garsııa YSM Sports Media-ǵa.