Burynǵy Adal partııasynyń músheleri Májiliste depýtat bola alady - Erlan Qoshanov

NUR-SULTAN. QazAqparat – Aldaǵy saılaýda burynǵy Adal partııasy músheleri Amanat-tyń atynan Májiliste depýtat bola alady. Bul týraly Májilis tóraǵasy Erlan Qoshanov málim etti, dep habarlaıdy QazAqparat tilshisi.

Búgin palatanyń jalpy otyrysynan keıin tilshiler E. Qoshanovqa burynǵy Adal partııasy músheleriniń Májiliske depýtat retinde kelý múmkindigi týraly suraq qoıdy.

«Olar kelesi saılaý bolǵanda jáne Amanat partııasy utqanda, partııanyń ishinde olar da depýtat bolady dep oılaımyn», - dedi Májilis tóraǵasy.

Budan buryn habarlanǵandaı, Adal partııasy Amanat-qa qosyldy.

Prezıdent Amanat partııasynyń tóraǵalyǵyna Erlan Qoshanovty usyndy .

Bıyl naýryz aıynda Adal partııasynyń tóraǵasy Serik Sultanǵalı partııanyń Amanat-qa qosylý sheshimin túsindirdi.