Buryn-sońdy bolmaǵan sanktsııalyq teketires baıqalyp otyr – Memleket basshysy
«Búginde óziniń máni men saldary jaǵynan buryn-sońdy bolmaǵan sanktsııalyq teketires baıqalyp otyr. Bıylǵy aqpan aıynda Qazaqstannyń astanasynda ótken Eýrazııalyq úkimetaralyq keńes aıasynda men Eýrazııalyq bes el ekonomıkalarynyń ornyqtylyǵyn qamtamasyz etý jónindegi ekonomıkalyq sharalardy ázirleý úshin joǵary deńgeıdegi jumys tobyn qurýdy usyndym. Jumys toby quryldy, ol iske asyrylyp jatqan jáne naqty nátıjeleri bar jedel sharalar paketin ázirledi», - dedi Memleket basshysy Joǵary Eýrazııalyq ekonomıkalyq keńestiń otyrysynda
Alaıda Prezıdent qazirgi kúrdeli geosaıası jaǵdaı uzaqqa sozylatynyn jáne buǵan daıyn bolý kerektigin atap ótti.
«Osyǵan baılanysty, bizdiń oıymyzsha, ıntegratsııalyq birlestiktiń qazirgi jaı-kúıi men qajettilikterine jaýap beretin Qazaqstannyń eki bastamasyn qarastyrýdy usynamyn», - dedi Q. Toqaev.
Buǵan deıin Prezıdent EAEO qyzmet etken jyldary Qazaqstannyń ózara saýdasy 33 paıyzǵa, eksporty 55 paıyzǵa artqanyn málimdegen edi.