Buryn belgisiz bolyp kelgen tarıhı jerler týraly materıaldar ázirlenbek
«Aqparat jáne kommýnıkatsııalar mınıstrligi Elbasynyń «Uly dalanyń jeti qyry» atty baǵdarlamalyq maqalasyn aqparattyq nasıhattaýǵa asa úlken kóńil bóledi. Birinshiden, búginde mınıstrlik tarapynan bul baǵdarlamalyq maqalany aqparattyq súıemeldeý, sonymen qatar halyqqa máni men maǵynasyn túsindirý BAQ arqyly júzege asyrylýda. Ekinshiden, osy maqalada kóterilgen máseleler memlekettik aqparattyq saıasatty júrgizý boıynsha memlekettik tapsyrystyń tizbesine engiziledi. Tısinshe, taqyryptyq baǵyttar aıasynda telearnalarda tanymdyq ári bilim berý aqparattyq baǵdarlamalar, teleserıaldar, derekti fılmder, áleýmettik rolıkter ázirlenedi», - dedi Erjan Núkejanov «Nur Otan» partııasy janyndaǵy «Mıras» respýblıkalyq qoǵamdyq keńestik otyrysynda.
Sonymen qatar, basylymdarda birneshe aıdarlar ashylatyny, osy oraıda «Kóne tarıh kómbesi» aıdary qamtylatyny belgili boldy. Onyń aıasynda el aýmaǵyndaǵy kıeli oryndar, arheologııalyq eskertkishter men buryn belgisiz bolyp kelgen tarıhı jerler týraly materıaldardy, ǵalymdardyń jańalyqtary men suhbattaryn jarııalaý bastalady.
Aıta keteıik, Elbasy Nursultan Nazarbaevtyń «Uly dalanyń jeti qyry» atty maqalasy jarııalandy.